本星期難得有朋自遠方來 (無論係以 international 定 national 黎睇, 點都係算幾遠架 !), 當然要招呼下, 出去附近走走架啦 ! 但竟然又係先去左 Ironbridge, 3 星期前先帶了 2 位朋友去咋, 我都開玩笑話次次去呢度都係帶團, 唔知o個幾間shop 係咪要俾番 Commission 我呢 ?!
不過今次我都有去新地方架, 就係離 Ironbridge 20 mins 車程的 Bridgnorth, 一個頗為大的 Town, 還剛巧遇上 weekend market, 非常的人山人海 ! 走了一遍沒太多東西看的 Market, 奇怪的是有幾位攤主奇怪地主動要求為佢地影相, 仲笑問會否放上 internet, 令佢地出名喎 ?! 我地真係唔知點回答喎 !?
逛完了 market, 忍不住走進位於小街的一家 tea house, 下午 3 點 3 時間到了 !! 小小一家 Tea House, 怖置簡簡單單, 客人卻走進一批又一批, 不過食物質素確實不錯, 我點了一件 Panini 及一杯 Mocha, 這樣就可以有力氣繼續走下去了 ~
轉出 Tea house, 不經不覺走到 Caslte Path, 這兒的風景非常好, 位於山頭上的我們, 可以眺望 Lower Town 及 山下小橋流 … 走到 path 的中段, 還可以到山頂公園走走, 可惜是日天氣麻麻, 加上還未開花, 未免有點失色 ~
這個地方還有一個特別景點 – Cliff Railway, 這架外型有如面包的古老纜車主要用來方便本地居民上下山, 不過遊客想坐也只是 1 pound return, 非常值得一玩 ! 於山頂站上車前, 留意一下入閘位處, 控制纜車的駕駛 panel 就在此處, 望落好似好簡單咁喎, 真想 test drive 一下 ! 纜車到站時仲會發出叮叮聲添, 就好似纜車跟電車的混合版, 非常有親切感呢 ~
下山以後, 就到了河邊, 不過當日有點冷, 走得不遠, 匆匆影了幾張河景便回程上山了 ~
