Day 6 的下午, 我們途經東帝汶的一個生果售賣市集, 當然要去參觀一下.
一字排開大約 6 – 7 個檔口, 全店都放滿了水果, 有香蕉 / 西瓜 / 木瓜 … etc, 真係出乎意料之外的多品種 !
這裡是本地人都會坐車來入貨的, 不過我們一臉 “遊客” 的樣子, 很自然的會被抬價.
不過能以 2 蚊美金來買了一個又香又甜又樹上熟的木瓜, 我也認了 !!
Dili 市內, 間中也有繁忙的一面 !
黃昏時間的長海灘, 是我於東帝汶最喜愛的地方.
本地人的日常生活, 似乎都是圍繞著這裡, 玩樂生計都發生在此地 !
黃昏時間, 那道夕陽就如我們的時間提示, 提醒著我們又是時間出門行動.
這夜是本旅程的最後一個夜潛了.
今回又是 Tasi Tolu, 真係講可能都唔信, 呢個位晚晚潛都唔會悶, 好鬼多野睇, 又好多野影 !
日落 Show 再次出現, 當夕陽消失, 我們齊齊跳入水中 … …
夜潛開始, 黎啦 ~~
顏色古怪珊瑚系列 !
蟹蟹系列出場 … …
其實大家唔潛開水的朋友, 知唔知其實單單只係蟹, 都可以有好多品種呢 ?!
以下介紹的, 都有六款啦 ~
呢隻大頭蝦, 都幾得意丫 ?!
魚都有分可愛同唔可愛 !
相四中的 Eel 真係一點都不可愛, 仲嚇左我一嚇, 以為見到蛇添呀 !
又來海馬 & 海龍系列 !
嘩 !! 俾我搵到羊咩咩個朋友呀 !!
佢呢隻藍撞黃的顏色非常搶眼, 但影佢一樣都係影到眼都矇 !
今回都影左很多羊咩咩, 再次證明佢地真係有如羊群一樣, 大大細細住在同一片葉上 !
相一 跟 相二 & 三看上去很相似, 但又唔係好同樣, 究竟係咪同一個品種黎架呢 !?
留意下相二 & 三個隻, 佢好似真係有眼仔咁架 ~
這一潛, 以一隻看似有 coating 咁的 flatworm 作結 ~
當我們上到水面, 就看到半空中掛著的滿月, 這又是一個完滿的夜潛.
來到東帝汶, 真的不要錯過當地的夜潛, 有需要最好主動要求一下, 本地潛店傾向不會主動安排的.
我們回想起來, 如果不是遇到那位法籍教練肯帶我們出動, 應該没有其他 DM 會夜麻麻陪我地落水架啦 ~
是日晚飯, 我們來到當地另一知名食店 – Nautilus.
唔知係咪未到東帝汶的旅遊旺季, 還是遊人們始終不常外出食晚飯, 我們到訪過的餐廳都總是空蕩蕩的, 就連這家較為知名的餐廳也只有 2 枱客人.
不用多想, 飲品總是來杯鮮檸 Lemonade ~
我們點了 Set Dinner 中的菜式, 也包括了相中木船上的 Salad Bar, 食物味道唔錯.
點知我們點來的湯, 會咁鬼大碗架, 足足有兩人份量 ?!
後來才明白到湯其實不包括在 Set Dinner 之內 (我看過 menu 上有寫, 但没有看清楚是否要加錢, 大家點湯之時要留意一下), 我們要每人另外多付 US$10, 真係又貴又浪費呀.
Main course 賣相不錯, 味道則一貫東帝汶餐廳之水準, 只算是不過不失 … …
整體這只是一家一試無妨的餐廳, 而且食物定價稍高.
算了, 反正吃也吃過了, 也應該没有下一次的了 ~
都幾多唔同種類生果,係咪全都要土產?
係咪夜晚佢地好少開工帶隊夜潛….
色彩好繽紛
係呀 ! 當地入口好貴架, 本地人根本負擔唔起 !