如果係荃灣起步, 唔上大帽山的話, 山友們可以點玩呢 ? 好可能我地俾到答案你 !
由荃灣站附近美環街上的行人天橋, 接上跨越地鐵路軌的天橋, 沿路而行就會接上荃錦公路, 呢度就係上芙蓉山的起點 !
今回係起點及終點都找到了一棵老榕樹, 真係覺得佢地好靚, 可惜如今買少見少 …
我們參考的登芙蓉山路線有點奇怪, 但又真係可以行得到去, 不過為左大家的安全, 建議都係行另一條正規路線上山吧 !
是日第一支標 : 芙蓉山 (Fu Yung Shan, 314m) !
原本我們也打算一登大帽山, 不過是日天氣較炎熱, 間中山徑酷熱無風, 那我們就改玩長線了吧 !
芙蓉山之後, 我地先行去川龍 ~
川龍之後, 接上圖中的扶輪公園自然教育徑, 自然可以去到大帽山郊野公園遊客中心, 也就是連姐的新店位置了, 全名 大帽山郊野公園遊客中心茶水亭 !
呢度環境似乎好過舊址, 店前空地有多點空間, 雖然有點偏離主道, 但係連姐的 Fans 自然識得黎呢度架啦 !
我地既然黎得呢度, 當然要幫襯下連姐, 作個小補給啦 ~
大帽山連姐茶水亭 FB Page : https://www.facebook.com/taimoshankios/
小休片刻後, 我地繼續前進, 在林中小道中穿梭 … …
正當我們 detour 在草叢密林中走動時, 我突然掃到右角不遠處出現異物, 原來是一條大蟒蛇來的呀 !!
好勁呀, 竟然在 HK 野外見到大蟒蛇呢 !
結果我們匆匆衝回常規山徑, 再登山是日第二標 : 蓮花山 (Lin Fa Shan, 579m) !
下了蓮花山, 山徑會接到蓮花山公立學校, 估唔到這裡的建築物仲保留得幾好, 尤其最遠那間房子已被綠葉包裝起來, 都幾靚架 !
第三標就要到達了 : 石龍拱 (Shek Lung Kung, 474m) !
呢度拍全景真係一流, 個 View 夠晒廣濶, 仲間唔中會有飛機作拍攝背景添 ~~
我們慢慢抄其他山道下山, 但同時又在避開元荃古道, 朋友笑說這是條是 “完全避開古道” !
見到這舊靚石就知道是下花山了, 很特別的一支標 : 下花山 (Ha Fa Shan, 315m) !
舊石外表咁有趣, 同時也是練習抱石的熱門地, 我登上一看才發現大石當中的裂縫, 還有在石背上爬來爬去的山友 …
最後, 我們接上元荃古道, 行到出口就收工了 !
全程大約 16 公里左右吧, 頗好玩的一條路線 ~
行左一日, 完成就當然要去醫肚, 結果仲一醫就醫左兩餐添 ….
第一間係 森美餐廳 (Cafe Sammi), 我地趕得及點下午茶餐, 無論野食定杯咖啡都唔錯架喎, 幾抵食
不過呢, 最有趣係餐廳之裝飾, 勁多 figure 公仔, 過癮又得意呀 !
森美餐廳 (Cafe Sammi) Openrice Review : https://www.openrice.com/en/hongkong/p-cafe-sammi-p5617745
接著我地仲食埋晚飯, 今回係荃灣一家有名小店 : 餃小屋專門店 !
睇個名都知呢間店係食餃子架啦, 不單有勁多款式, 而且出名係大大粒架, 成隻雞蛋咁大隻的餃子呀, 配上滿滿一碗魚膠淮山豬骨湯, 食完個人真係暖笠笠, 飽肚又滿足架 ~~
餃小屋專門店 Openrice Review : https://www.openrice.com/zh/hongkong/r-%E9%A4%83%E5%AD%90%E5%B1%8B-%E8%8D%83%E7%81%A3-%E4%BA%AC%E5%B7%9D%E6%BB%AC-%E9%9B%B2%E5%90%9E-%E9%A4%83%E5%AD%90-r460422
