2021 第一個線上山賽 : HK100 FLEX The Half, 今次係正式 56 公里作賽 !!
天都未光我地就要出門口, 於日出之中自北潭涌起步, 經上窰郊遊徑去到西壩 !
自西壩開始, 我地沿著麥 1 半跑著前進, 走完了東西兩壩 !
早上的湖水特別平靜, 出現了如鏡一般的倒影 !
接著而上係麥 2 前往浪茄, 登上無論順逆走都咁唔想面對的西灣山, 再落番西灣 !
西灣係我地第一個補給點, 有餐蛋米仲有豆花, 講真行長線我真係唔可以食得太多嘢, 下次半碗同人 share 就好了, 否則會消化唔到, 感覺頂住頂成程 !
食飽就要上路, 快步穿過長沙灘, 靚呀 !
繼續就係鹹田灣, 再過大灣, 風景依然優美, 但堅係爆熱 !
呢條線真係行幾多次都唔會厭架喎 !
我地怒走了好一陣子, 直至穿番出去赤徑 !
接著上麥 3, 又係要上山的辛苦路徑 … 點解 2 月可以熱到咁架 ?!
當時心諗 … 好在唔洗上雞公咋 …
由北潭坳經嶂上去到大灘, 再次踏上大灘郊遊徑, 正正就係上一篇試路時的路段 !
黎到呢段已是下午, 我們尚在努力趕路中 ~~
過左海下後已開始日落, 我們在日落餘暉下趕往深涌 !
深涌的滿天繁星, 唔怪得咁多人想黎呢度露營, 呢度睇星真係幾正喎 ~
在黑夜中的深涌, 欣賞唔到那片靚海景, 只可以看到馬鞍山的剪影 !!
最後路段, 黑夜中登上榕北走廊, 盡力趕回北潭涌衝終點 !
56 公里完成啦 ! 我地頂著 27 度曝曬下的天氣, 一步一步地咬著牙堅持下去, 最後花了 13:43 去完成 !