HK : 支半日潛白腊仔

 

根據過去幾年的經驗, 時近中秋, HK 水質總會變得較好, 難得有機會, 當然跟朋友們出海潛下水 ~

是日天氣好得不得了, 唔太熱又唔太凍, 有太陽再加海風, 唔潛齋出海都爽呀 !

今回出潛白腊仔, 都好耐冇黎呢邊潛, 又睇下有咩搵到先 ~

 

第一潛, 水溫真係好暖, 有成 28 度.

下潛最深 9.8 米, 無目的隨意找, 隨意拍, 都玩左 51 分鐘.

今回試下減鉛, 日常裝備, 用左 6 lb 下水, 成功落到水底, 不過潛到半支左右, 就要控制住黎潛, 唔係都幾易升水 …

水中很多魚, 真係超多, 加上水質算清, 未及去年外潛般的質素, 卻也很滿意了 ~

 

 

 

 

魚, 一海都係魚 !

在珊瑚礁上找到了小小的一隻 Blenny, 好鬼蠱惑, 有流先伸個頭出黎, 結果我真係等左好耐, 先影到 2 張似樣的 !

 

呢條 . . .

→ Read More: HK : 支半日潛白腊仔

HK : 久違了的果洲水底 !

 

 

原來我好耐冇去果洲潛水啦, 睇番網誌, 對上個次原來係 2013 年喎  !!

咁耐冇去, 果洲依然是個下潛好地方, 不過都依然係咁鬼凍, 全日三潛都係 23 / 24 度以下, 尤其深潛 16 米後, 真係凍到傻呢 !!

第一潛選了個深水位, 可惜是日 Buddies 有點新, 在水中等了較長時間才齊人, 我們有點邊等邊凍.

直到等齊人, 打算可以一齊潛, 結果不夠 5 mins 全體失散了 … …

潛水失散的規則 – 水中找尋一分鐘, 不見人, 即上水 !

因此, 這一潛除了捱凍, 以及拍了幾張海蘋果之外, 我們就收隊回船 ~~

 

 (這是海蘋果的屁屁嗎 ? >__<)

 

第二潛, 往淺水位去, 最深只有 8m, 能見度及水溫都好好多 !!

呢個位真係算幾清, 睇相就知 !

. . .

→ Read More: HK : 久違了的果洲水底 !

HK : 本年第一潛之冬潛 @ 火石洲

 

我想, 我們真的是傻了 !

早上起床開車去西貢, 儀錶寫著是日氣溫 13 度, 而我們竟然係去出海潛水, 那 … 還不是神經病嘛 ?!

咁的氣溫下, 會出海的也没多少人, 更不要說是潛水了, 我們差不多就是包船囉 ~

 

是日潛點, 火石洲.

天氣雖冷, 從水面望, 水質倒也不錯.

老實說, 報名時的那道勇氣, 隨著換衫著 Gear 時的寒冷及艱辛, 一點一滴地被磨滅了 … …

結果不情不願的還是得跳下了水 … … 果真精神為之一震 ~~~

 

身穿了 7mm 厚的潛水衣, 換來要背著 20 多磅的鉛才成功下潛 !

本來我應該不用這麼多鉛, 但第一回下水有點擔心不夠沈, 就多帶了兩舊, 結果反而太重了, 超辛苦呀 ~~~

不過穿厚潛水衣是必需的, 是日水溫只有 16 度, 每每動作大點而讓海水流進身體, 非常刺激的 … …

至於水質嘛 … 不錯的 ! 淺水區有數米, 只要下潛至 16 – 17 m . . .

→ Read More: HK : 本年第一潛之冬潛 @ 火石洲

HK : 上 MD 船扮去外潛 @ 火石洲

 

是日出潛, 第一次跟朋友上外國人主理的潛船, 就當是見識一下不同的潛水文化, 目的地 : 火石 !

是日天陰陰, 就如同這幾天的心情, 倒不如出海放鬆一下.

上一回到火石, 水質清澈得尤如外潛, 今回能見度其實也不錯的, 條件是只要不作深潛 … … … …

 

第一潛下水, 水清見底達 8 m, 不過當我們越走越深, 我眼前就慢慢變得混濁一片 ~

結果, 整個潛我只拍到兩種生物  – 龍蝦 ~

 

 

在濁水之中, 突然見到佢的出現 !

相遇之時, 鋸片蝦竟然唔係依附在柳珊瑚之上, 而是在水中暢泳中 ~

游走了一段之後, 佢終於肯安定下來.

 

外國船, 西式午飯, 任選材料拼砌而成的三文治, 好吃 ~

不知何故, 這天特別的累, 竟然潛前潛後都只想倒在舺舨上大睡 !

 

第二潛, 深度維持於 12 – 13m 左右, 不過下晝水相對較濁 ~

 

今回, 見到白白淨, 紫屁屁的兔兔, 小小的, 很可愛 … …

面對住佢, 我真係可以影好耐, 好開心 ~

 

醫生魚正在為泥鯭魚們應診 !

佢真係好勤力咁咀下咀下 . . .

→ Read More: HK : 上 MD 船扮去外潛 @ 火石洲

HK : 繼續濁水凍水之 Fun Dives @ 白腊仔

 

八月每星期來一潛, 結果到了本月最後一回, 西貢水依然的濁夾凍 !

這回我們本來選址癩痢, 結果由於水太濁, 我們改道白腊仔.

白腊仔出名沙灘靚, 景色優美, 係一個唔錯的 camping 地點, 至於潛水嘛  … 我都係第一回去咋 ~

 

第一潛, 起初水質尚算可以, 不過越潛越濁.

水溫持續 23 – 24 度左右, 過左半個鐘左右, 開始要包著自己, 減少動作, 以免冷水流入 wetsuit 內, 加速體溫流失 … …

結果, 係冇乜野睇的情況下, 更係冇乜心機去影野 !

 

午飯時間, 補充體力時間, 好吃的燒雞翼 ~~

吃過飯餐, 我要學爬蟲類咁, 到舺舨上晒太陽回復體溫 … …

結果晒過籠, 搞到一身都係汗, 仲要係舺舨上留下案發現場 ~~

 

第二潛, 下午水再濁點 … …

剛下去便見到喇叭魚, 不過考下大家眼力啦, 第三張見唔見 ?!

 

作品只有數張, 實在 … … 沒太多吸引我去拍攝的小東西 ~~~

兩條又大又恩愛的九棍魚, 我重覆見到兩三次, 究竟係同一對黎丫, 定係呢排佢地興晒恩愛 . . .

→ Read More: HK : 繼續濁水凍水之 Fun Dives @ 白腊仔

HK : 再來 Reef Check @ 牛尾洲 + Fun Dive

 

本星期出海, 天氣好得出奇, 比起星期四的紅色暴雨, 簡直就是兩個世界 !

是日跟著朋友們出海, 齊齊去做 Reef Check ~

去年的活動紀錄 : http://traveling-fish.tixmart.org/2013/08/18/hk-reef-check-fun-dive/

 

Reef Check 地點係牛尾洲 !

上回做了無脊椎生物的統計, 今回做數魚的, 不過 … … 水質真係不太清, 結果只見到小魚數條 ~

下潛了 30 多分鐘, 深度大約 3 – 4 m, 這個潛點没有什麼好看的, 所以没有帶相機, 也没有補潛 !

 

下潛完畢, 風和日麗下, 海風吹送著, 結果梗係 … … 於舺舨上睡著了 ~~

除了睡覺, 下潛後另一重要事項, 就梗係食午飯啦 !!

 

下午, 我地轉潛點 !

 

這個下潛就精彩啦, 全屬意料之外的 !

這回下潛深度 8 – 9 m, 又是越深越凍的一潛, 水溫只有 22 度咋 ~

. . .

→ Read More: HK : 再來 Reef Check @ 牛尾洲 + Fun Dive

HK : 日潛尖洲, 夜潛黃石漁排 (已補夜潛相片)

 

上星期六, 我跟朋友們真正潛足了一整天 !

Daytime, 白沙灣出發, 隨著潛水船之帶領, 我們先去尖洲玩日潛 ~

是日天氣超好的, 不過 … …

最近 HK 海域水質真的不怎麼樣好, 而且還有陣陣冷流, 只要深度過了 4m, 水溫便會降至 22 – 23 度, 那一刻真的精神為之一震了 !

是日 Daytime 一共玩了三潛 ~

第一潛我們陪伴較生手的 buddies 下水, 可惜水濁之下 (能見度 2- 3 m), 我們連番發生失蹤 buddies 事件, 只是上上落落都起碼做了三次, 結果 … .. 也没有拍些什麼了.

深度全程不過 5 m , 遇見再遇見都是小魚一群 . . .

→ Read More: HK : 日潛尖洲, 夜潛黃石漁排 (已補夜潛相片)

HK : 黃雨出潛 清如外潛 @ 尖洲

 

每逢 Weekend 才下雨, 是我最近常掛在口邊的感嘆;  總是潛水便遇著壞天氣, 卻是這兩星期之寫照 !

早上出門之時還只是天陰而已, 吃早餐時卻已是黃雨, 大雨到咁點搞呀 !?

邊有人會邊要拖住袋潛水野, 卻邊要舉著雨傘架 ?! 早知著住 wetsuit 出門好了, 唔洗煩 !

 

本來潛水船先去果洲的, 視察結果是能出度很差, 因此我們改道尖洲 !

哈哈 ~ 有見是日天氣奇差, 還以為要上水下水都會濕淋淋, 點知出到海天氣倒唔錯, 而且下水之後還有意外驚喜 ~

 

這天我們所經過之水域, 全都浮游著一個又一個籃球咁大個的水母, 真係總有一個係左緊呀 !

好在水質真係幾清, 水面可以望見水底, ~ 8 – 10 m 能見到, 以HK 水來說是很不錯的.

如果唔係水清, 水中咁多水母, 都幾容易中招架 (我間中都見到那些甩掉的水母觸鬚).

這天天氣有點悶熱, 可能還要再下雨, 水溫 26 度剛剛好 !

 

除了水母多, 小魚群也是很多, 看看相中那大群小魚, 再加那片藍, 真的以為自己在外潛 !!

 

第一潛, 先來小蝦小蟹熱熱身 …

 

尖洲出名有小丑林, 真係有一群小丑魚, 仲出名惡添 ~

 

水母在舞動, 小魚群在伴舞 . . .

→ Read More: HK : 黃雨出潛 清如外潛 @ 尖洲

HK : 又係下潛日先黎打風 !

 

經過四月那陣冷水, 事隔兩個月, 我才再次開始本地潛 !

明明這幾天天氣好得不行, 卻在我們的潛日才下大雨, 仲要掛一號風球, 真係怎算也不夠天算的 ~

没關係, 反正也會濕水的了 ~

 

是日有湧浪, 我們留守內塘, 第一站去威士忌灣 !

水質就普通, 時清時濁, 還算有丁點東西拍一下 ~~

先潛了 35 mins, 之後送了新手朋友回船, 再跟朋友落多 20 mins, 之後就係蟹蟹蟹蟹蟹 !

 

午飯, 没有 Monster 牌紅腸, 到會也可以 !

是日留言 : 潛完就食, 係潛人生活之基本 ~~

 

第二潛, 來到牛尾洲 !

水質繼續的普通, 又是時清時濁, 卻讓我找到了 3 處毛毛兔在產卵中.

 

閒來無事, 就用相機捕捉下呢條魚魚啦 ~

 

這幾 Pat 毛毛兔, 看上去跟海葵無異, 如果不是看到了橙黃的蛋, 我都未必睇到佢地 ~

 

 

 

是日兩潛完成, 回程 ~~~

進入了潛季, . . .

→ Read More: HK : 又係下潛日先黎打風 !

HK : 2014 開季啦 – 十九度水之體驗 !!

 

連續下了好幾天大雨, 還好到了星期五終於放晴, 是日幸好陽光普照, 是出海的好天氣.

今年開季第一潛, 齊齊相約老地方 – 滔滔 吃早餐, 而這份早餐, 我一向不敢吃得多的, 否則 … …

 

這回, 我們是上怪獸號的 !

是日氣溫太約 20 度左右, 迎著風也不禁有點冷, 還是未到只穿 T-Shirt 的日子.

 

本年第一潛於火石.

早知水溫會冷, 已穿了 3mm 打底 再加 3 mm 頭套 配 wetsuit, 結果下水那一刻還是打了個冷震.

我還因為穿多了, 沉不下去水中, 特地要再添多塊鉛.

下潛頭 10 mins, 除了不時遇到一絲絲的漂浮物, 水質倒自清澈.

 

於這個 Dive 還找到了我想拍的 兔兔 !!

 

蝦蝦 …

 

可惜, 之後風一開始刮起, 水中開始變得迷霧一片 . . .

→ Read More: HK : 2014 開季啦 – 十九度水之體驗 !!