咦… 四葉妹妹, 你做乜有個新髮型呀, 個爆炸頭你問 keroro 借架 ?! 
哦, 原來尋晚落雪, 四周一片白茫茫, 就係咁四葉就係小小窗台度玩起雪上黎啦 !
小心 d 呀, 呢度 3 樓黎架, 你咪鬼跌左落街呀, 咁凍我唔想出門執番你呀 !
喂.. 四葉妹妹, 你係度搞乜呀, 你係仆親丫, 定只係訓落去咋 ?! 個動作咁騎呢的 ?!
雪地上招牌動作, 大字型攤落去 d 雪度 !
轉個頭, 四葉妹妹又堆起雪人黎啦, 真係忙呀佢 !!!
佢仲要迫我幫佢地影番張合照添 ~
最後, 四葉妹妹終於玩夠, 乖乖地坐係窗沿, 欣賞下藍天白雪的景色啦 !
呢 3 張相片就係四葉妹妹見到的風景, 同大家一齊分享下啦 ! 
=============================================================
今朝無啦啦凍醒, 起身一睇, 嘩 ! 四周一片白雪, 真係好靚呀 ~ 邊個估到佢 4 月頭都仲黎落雪先得架 ! 真係有 d 意外架 !
本來呢個weekend有點忙, 冇打算影四葉妹妹的故事, 而家咁難得有題材, 咁就匆匆係雪融化前影低呢一輯, 請恕我有點懶, 冇帶四葉出去外面影相, 因為實在太凍啦 !! 不過今日一片藍天白雪, 真係好靚呀 …..
除左上面 3 張之外, 今朝好早時間都影左 2 張, 當時太陽仲未出黎, 所以雪更加厚啦 !
