Day 7 又是一個潛水日, 還要是最後一天的潛水日, 天氣嘛 … 晴天比陰天的時間長 ….
是日本來預計到 Comino Island 潛水的, 但進入了淡季, Instructor 話借唔到船去 Comino (但我懷疑係唔夠人數, 租船會太貴而 cancelled !), 結果我地一行 3 人又再次到 Gozo Island 潛水啦 !! 這個 Malta 10 days trip , 卻有 3 天花在 Gozo 上, 未免佔了太重比例喎 ~
是日 Dive Sites 距離 Gozo Ferry 的碼頭非常近, 尚在 Mgarr Harbour 範圍之內, 卻遠離了航道, 加上落水位位置偏僻 (要先穿過民居, 再下山過田地 !), 所以絕對不怕受到任何干擾 !
這個 Dive Sites 值得到訪的原因係一日可以潛 3 架唔同的 Ship wrecks, 有趣的是呢日係 Gary 這個英國人 及 Andreas 這個德國人做我的 Buddies, 而 3 架 ship wrecks 中, 分別各有一架來自他們的家鄉, 佢地可以為爭論那個國家的船比較好, 猶如小孩般鬥咀. 足足由水上鬥到下水 !!
哎呀 ! 要提一下, 這個 site 的設備算是不錯, 設有好幾張小枱讓 Divers 們有地方可以上 gear, 我們卻於 break 之時躺著小睡, 不得不講句, 被太陽晒著的我, 確實訓得非常舒服 (相中由 Andreas 示範 !). 另外, 非常旱有地見到有 Diver Information Board, 上面有張褪了色, 卻由 divers 用 marker 補充資料的地圖 及 3 架 Ship wrecks 的基本資料.
第一個 Dive 我地先到來自德國的 MV Karwela, wreck 齡只有 2 年, 架船有 2 層, 可以非常光明正大地潛樓梯到下層, 最有趣的是甲板上, 竟然有一架 Beetle, 我地當然輪流拍照, 可惜 Gary 幫我拍的相片卻手震 …. 
這個 dive 還見到一條伸了個頭出來覓食的 eel, 我覺佢個樣好 cute 喎, 尤其佢的 2 條小觸鬚, 外型有點似 cute 版小龍呀 !
上水後, 我地有一個 1 個多小時的 break, 我跑到另一頭的天然小港彎, 景色不俗, 水質非常清澈, 正有幾個本地人專門開到車此在釣魚 ! 而海邊石地上一格又一格的水池, 卻是古代的鹽田, Malta 盛產海鹽, 可惜現今已無人作業, 只遺下一格格的空框 !
貪玩的我四處走來走去, 一時打擾佢地小睡, 一時又跑去影相, 最後 2 個大男人冇我咁好氣, 乾脆為我改了個花名 " click click", 意思係我四處走, 乜都影一餐 ~
