來到 2nd Dive, 我地將會去"參觀"另一艘船, 呢次係艘英國船 MV Cominoland 啦, 佢跟 MV Karwela 係同一日下沉的, 所以位置同深度都非常相近, 大約 40 m 左右 ! 呢日的天氣有少許不穩定, 尤其這個 dive 就更顯出壞天氣快將到來, 下水後能見度比第一個 dive 差上很多呢 ~~
剛下水不久, 就見到一群 Cuttle Fishes 2 大幾小地游過, 為免過度追逐而令佢地胡亂噴墨, 我們還是選擇遠觀好了. 整個 dive 都冇乜特別野睇架, 最好玩咪係船艙玩捉迷藏, 左穿右插, 同埋係睇 Gary 同 Andreas 係度搞笑囉, 佢 2 個無聊人成日襯 5 m safety stop 時係度搞搞震, 呢次仲上演一場揮劍比武添 … 
轉到第三個 dive 前, 突然刮起大風, 下了一場雨, 幸好只是過雲雨, 一下子又風平浪靜. 可惜入到海又是另一回事了, 始終水被風雨弄得混濁了, 没法子那麼快回復過來 ! 本來第 3 個 dive 應該淺淺地玩下就算, 怎料 Gary 提議我地 break 耐一點, 等一下到第三條船的 site 去看一下喎 !
第三條船 MV Xlendi 係舊一代的 Gozo Ferry, 於 1999 年下沉的, 所以 wreck 齡比較長, 而且架船下沉時是反轉的, 位置太約於 45 m 左右, 告示版說明最好你係 experienced diver 先好去潛, 咁我又未至於不自量力的, 我地都只係於船底上飄過而已 ~
由船底位置往下望, 除了望見船身之外, 竟然發現了一架 4 wheel jeep 的殘骸喎 ~ 聽 Gary 提過, Malta 有一個幾特別的 dive site, 海底竟然有10 多架名貴房車的殘骸, 事緣某一年的晚上, 一班走私車黨正想將車運上岸, 卻被警察捉個正著, 慌忙之下佢地將所有車都推落崖下, 而崖下就正正係深海, 所以呢堆車就長留海中, 不過呢個 dive site 都幾難去到, 因為係冇車路落去的, 所以只得靠船了 ~
玩了四日的 dive trip, 無可否認我是重拾了潛水的興趣, 但對地中海的海底確實有點失望, 事關圍繞地中海地區實有太多人居住了, 可想而知這個海洋生態受了多大的污染, 看過我所拍下的 dive site 相, ship wreck 數量的確不少, 但平均 wreck 齡較年輕, 依附生存的海洋生物群還未 develop 好, 所以亦比較少野睇囉 ~
不過, 這個 dive trip 只係我歐洲潛水的起步點, 想來應該夠 dive log, 下年可以到 red sea 去了 ! 雖然 dive trip 完了, 但旅程還在繼續 …
介紹一下這樽飲品 – Kinnie, 試飲了一口, 有點似涼茶, 連作用都幾類似架 !
Gary 話好處係, 呢枝野飲唔係人人鍾意, 放於雪櫃一日都一定冇人偷走 ~ 