看四葉那 "得得戚戚" 的樣子, 背景又有咁大本 " Lonely Planet – Morocco" 係度, 應該都估到我跟四葉又將要出門遠行了.
話說當初是最先決定了旅程的目的地, 之後才安排出發日子及同行夥伴的, 這都是多得 Blog 友 荆無名 所散發的"毒", 看了他的遊記後, 我便心思思想去這個地方, 之後再多看了其他幾位 Blog 友的網誌, 就立下決心, 鎖定了摩洛哥為下一個長程旅遊的目的地 !! 唉… 我這個終日散毒的人, 終於被其他人所毒害了 !! 
本來這旅程是打算上年 12 月中出發的, 期間經過幾次人事變動, 最後有我的好友從 HK 先飛來英國會合, 再一齊出發到摩洛哥, 我不肯這種方法會不會比從 HK 直接買機票到摩洛哥來得便宜, 但我這張 Easy Jet由 Manchester 到 Marrakech 的機票, 包括了所有雜項收費後, 才 90 多 pounds, 真的很抵玩呢 !!
未來的 2 個星期由於離家出走, 我的網誌就由得它荒廢一陣子吧, 大家覺得悶悶地的話, 可以先看我之前去過的其他旅遊地點, 希臘之旅亦只餘下最後一天的旅程尚未介紹, 我回來後才將其完結吧 !!
魚 : "四葉 ! 你又係度做乜鬼呀 ?!"
四葉 : "包頭囉, 你話要去摩洛哥嘛 !!"
魚: "邊個話你知你要包頭架o者 !! 你又唔係信奉伊斯蘭教 ~~"
四葉 : "下… 唔洗架咩 ! 咁本本書入面 d 相都有包頭人嘛 ?!"
四葉 : "好野, 唔洗包頭 ! 咁我就帶埋支槍去旁身啦 !!!"
魚 : " ……. (關乜野事…) ….."