首先, 要多謝多位 blog 友 及 朋友 的關心, 我們安全地回到英國了 ~~
冇錯, 好多 Blog 友都估中了, 我跟家人在過去的兩星期, 就是跑到本應是剛踏入夏季的冰島, 可惜人算有時真的不如天算的啊 !!
本來查過歷年紀錄, 五月份的冰島應該開始回暖 (大約有 10 – 15 度左右), 而且天氣應該不錯. 只不過我們抵達那天, 飛機尚未降落, 我們便已知機外刮著的風有多大. 持續不斷的氣流, 令飛機下降得相當不穩, 所產生的離心力令我們緊張得心跳加快, 要擔驚受怕一番才安全到達目的地, 人剛踏出機場便感到陣陣寒意, 上了車才發現只有 5 度左右.
旅程之中亦不算得太順利, 有開著車在大雪大霧之中爬過了五個雪山, 到了某小鎮才發現當地突然下起不尋常的大雪來, 之後更是發生火山爆發而南部的環島主公路封路, 那一區的酒店 (包括我們預訂了的那一家) 亦被火山灰侵入而要關門, 再加上東部又有 Snow Storm 侵襲, 令同一條環島公路亦被封, 結果我們滯留在北部而不能前進, 最後要臨時更改行程 及 重新預約酒店, 如果只有我一人還容易, 有家人同行便麻煩多了, 幸好更改行程方面大致順利, 而且旅程後半部的天氣亦穩下來, 所以我們想要到的景點基本上都到訪了一次.
在這個旅程, 我們看了, 吃了, 玩了, 感受了很多, 就連跟本地人的交流亦不少 ! 冰島人大體都很友善, 熱情得來又很有個性, 非常歡迎外來遊客, 亦很喜歡跟外國人交流, 人人都會以冰島的一切引以為傲 ! 跟他們談起天氣, 說到這年的不尋常的大雪, 引申到地球暖化及天氣反常的話提, 或許冰島位處地球的極端, 受到的影響變得相對明顯, 促使冰島人對環保這個題目是非常注重的, 由當地的用水系統, 地熱發電, 環境保護 及 垃圾回收 … 等方面, 他們都會很注重的, 亦同樣期望前來的遊客能夠專重 並 遵守.
冰島自然風光之美, 我是絕對親見識及感受到, 多年的遊歷經驗, 卻甚少見到有如此多種地貌集於一島的地方, 非常令人讚嘆 及 欣賞 ! 既然要跟大家分享, 當然不會缺少了我那一大堆相片, 待我整理好便慢慢去寫遊記吧 !
最後, 明天便會南下到 London, 準備星期六送媽媽 及 細佬上機回港, 希望下周可以開始寫些遊記吧 !
歡迎回來////
等你UPDATE好耐喇……..
冇問題, 會慢慢開始寫架啦, 先看英國的吧 ~
歡迎回來 ! 等您的遊記 ！ 我都打算去冰島呢～
冇問題, 不過俾些時間我排好相片先, 我這次有潛水添呀 !
知道魚和家人平安帰来, 太好了。
魚的遊記, 明美会耐心的等着。
明美, 我會慢慢追看你的泰國遊記, 你放慢點寫呀 …
好驚險哩~!!
呵呵, 總算平安回來 !
等左你好幾日， 知道你地平安就好喇 !
好喜歡你呢篇文章，歷險一樣，不順利都作為旅程其中一部份趣味， 感受良多 ！
希望多些地方會同冰島一樣對環境環保注重，人人都會以自已嘅地方引以為傲。
哈哈, 旅行有時候就是要有些故事, 才多點回憶吧, 這也是我愛旅行的原因.
魚，知道冰島出現火山爆發，內心一直很掛念著你，幸好你在fb一直有音訊傳來，所以安心下來，和家人一起渡險，經歷一定很難忘，你這個唔險唔去的靚妹，下次若有機會見面，一定為你求一個强力平安包，保你平平安安。
朋友送了二個平安符給我, 都不知是否這兩道符, 我才得以平平安安, 如果我有埋你呢個平安包, 我應該可以在世界再亂闖的了 ~~ 呵呵 !
最緊要一切平安！
期待冰島遊記呀 ~~~
知道了, 你也要小心呀, 尤其在這邊開車, highway 車速頗快的.
你如若想要我的 uk contact, 我可以 email 給你的.
welcome and look forward your Iceland photoes.
冇問題, 整埋好便會開始寫的了, 不過現在先送上英國部份的.
去潛水睇鯨魚定摸下歐亞版塊呀 ? 等相ing …
哈哈, 都係你叻, 估到我去潛乜. 係呀, 我係去左潛版塊, 第一次著 Dry suit 下水, 搞左一大輪先搞掂個 bouyancy, 但好好玩, 仲好鬼靚呀 ~~
唔係我叻, 係我之前睇過個旅遊節目, 阿任賢齊就係潛左落去睇版塊, 我見到佢果抽鉛帶真係怕怕囉 @.@
YEAH ! 我有 15 kg 上左身, 袋再加多 2 件, 加埋 set gear, guide 話有 30 – 40 kg.
背上身不難, 係潛完要行番去的 5 mins 路程, 我差點以為自己行唔番上車, 索氣到我丫….
冇過黎睇一排, 魚你又出遊了~~ 萬幸你地旅程總算順利!!
iris, 我估你真係好忙了, 呢排出 blog 少了呀, 不過忙碌過後, 記得又要出去完呀, 順道影多點靚相回來 ~
聽落好似好多難忘嘢發生咁噃 ??
唉..一言難盡, 留待在遊記中一一細數及分享, 有晒相片架.