今回雖然係去曼谷, 唔鍾意一味城市風景的我, 決定要衝出去走走 …
我選擇了北碧府這個以桂河而聞名的地區, 當中桂河大橋 與 死亡鐵路都係較有名及有歷史的景點, 要由曼谷去這兩個景點, 大約要 2 – 3 小時車程, 所以最好還是包車由曼谷出發了.
包車方法有好幾種, 可以跟團購公司預約, 可以找曼谷當地的的士, 還有就是朋友相熟的司機, 我們選擇了後者, 因為司機懂廣東話, 溝通上容易一點, 不過價格則比團購公司安排的貴一點 !
司機一口氣送我地去到桂河大橋站 (River Kwai Bridge), 呢度係死亡鐵路其中的一個車站, 係呢度可以買到車票前往 Tham Krasae 站, 外國遊客單坐一程要付火車票 100 BAHT !
死亡鐵路原名為泰緬鐵路, 係二次大戰時日軍為占領緬甸而設定的補給路線, 不過這條路線的建設難度甚高, 日軍用了極高的工人死亡率, 以換取其中一段鐵路之建成, 因此這條鐵路被稱作為死亡鐵路了 !
好野 ! 火車來了, 普通車廂不設劃位, 所以上車後請找個位置 ~
上車後可以先找個窗口, 因為火車接著就會越過了桂河, 登上了桂河大橋 !
火車車廂很簡單, 硬板椅, 冇冷氣, 加上北碧府出名係泰國火爐, 當日氣溫高達 35 度, 坐係車廂之內真係開住窗都熱到出汗呀 !!
北碧府的郊外風景, 據當地人告知, 這個地區算是比較貧脊, 當地人大多以農務為主 …
列車上, 沿途有售小食及飲品. 又咪話喎, 呢位哥仔賣的 donut and pancake, 雖然外表齋齋地, 但其實幾好食架喎 ~
死亡鐵路當中最險要又最好風景的一段, 大家記得要搵個窗口看一下風景, 但我就唔太建議站在火車車廂門口, 因為車門係大開架, 一個唔小心就會跌左出火車架啦 …
我們來到 Tham Krasae 站, 差不多車上 9 成的客人都在此下車, 時間尚早, 可以先在小市集逛一下, 呢度有很多紮染衣飾售賣, 價格非常相宜, 不過我反而被 100 baht 一件的 Tee 吸引左, 質料唔錯, 應該可以捱到一季以上吧 !
當火車駛走以後, 基本上呢段路線都暫時唔會有火車經過, 所以遊客們都紛紛走上火車軌, 邊拍照邊往回走去 …
就在離火車路軌不遠, 有一個天然山洞, 那就係供奉了數座佛像的 Tham Krasae Cave Temple ~
好吧 ! 我們就來一回火車軌上的漫步 ~
這段車軌不算難行, 高架橋頗為穩陣, 路軌中間設有鐡板, 感覺踏上去還是很實在, 我們走的這一段, 正正就是剛剛在火車上看到風景最美的一段, 全程依山而建, 另一旁則是 River Kwai, 呢度小心地玩自拍都幾唔錯架 !
留意, 雖然呢條路線的火車班次並不頻密, 但唔係完全冇火車駛過, 建議大家預先查一下火車時間表, 還有在現場要留意火車的氣笛聲哦 ~
轉個頭, 回程火車自 Tham Krasae 駛來 … …
呢一個系列的相片角度, 真係可以用黎做下 postcard 架 !!
火車埋左站, 我地亦都順勢上車, 坐回程火車番桂河大橋 …
再次回到桂河大橋站 …
車站好似變魔術咁, 月台上突然開滿了檔攤喎 …. 真係開到貼一貼住架火車架 !
回到起點, 尚有時間, 可以落車影下火車先 !
桂河大橋的風景, 今朝來時有點衝忙, 未有時間慢慢睇下影下, 我地回程就可以沿路軌而行, 回到對岸那起點 !
玩左一日都未食午飯, 離開桂河大橋後, 我們請司機開車去附近一家餐廳, The Village Farm To Cafe 就是我從網絡上找出來的.
單看餐廳環境而言, 很不錯吧 ?!
The Village Farm To Cafe FB Page : https://www.facebook.com/TheVillageFarmToCafe/
事實上這餐廳的出品很不錯, 由飲品到餐點, 賣相跟味道同樣有水準, 尤其天氣咁熱, 以水果為主的食品特別吸引人, 而甜品嘛 … 非常可愛哦 ~~
餐廳的 Farm Market 與 餐廳外貌 … …
在回程路上, 我們遇上了美麗的日落 !
