HK : 2018 塱原田園音樂會 @ 上水塱原

 

上星期塱原又有活動, 今回是文靜一點的 “塱原田園音樂會” !

想像一下, 在一片農田平原上聽音樂, 想像下都覺得好舒服 ~

今回又是一個好天氣, 剛下田就遇到賣菜婆婆, 就想到是日有口福, 可以跟她買菜回家了 !

 

入得黎塱原幫手, 都離不開係幫手煮野食, 是日就煮番煲西洋菜蜜俾大家飲下啦 ~

冇野好玩得過, 用柴火黎煮野架啦 !

先來大約 10 斤西洋菜, 蜜棗落左斤半左右, 煲番個幾兩個鐘咁, 最後再落冰糖調味, 咁就完成啦 !

都真係凍飲熱食兩皆宜 !

 

 

 

 

同場還有紅豆沙添呀 !

 

 

呢個爐火仲可以用黎做乜 ?

咪就係用黎煨蕃薯囉 !!

 

義工及員工們, 竟然有人準備埋午飯, 咁我又梗係要去幫下手, 就切下野咁啦 !

 

時間尚早, 天氣還是有點灰濛濛, 表演的人們正在開始綵排 …

當我煲住西洋菜蜜之時, 聽著音樂, 望著田野, 感覺很輕鬆.

諗下, 真係應該係度搞番次, 田園私房大食會呢 …

. . .

→ Read More: HK : 2018 塱原田園音樂會 @ 上水塱原

HK : 2018 塱原收成節 @ 上水塱原

 

話說 2017  年的最後一個戶外活動, 就是到塱原幫手做義工, 這天就是一年一度的塱原收成節.

這個活動原本應該已經完成, 無奈剛剛的 weekend 天氣欠佳, 主辦單位唯有將活動取消, 據說將會擇日再舉行.

之前兩年也有出席過, 跟大家分享一下 ~

HK : 2016 塱原收成節
HK : 2015 塱原收成節

 

是日晨早就入左去塱原幫手, 得到美好的晨光好風景, 來到這個地方, 總係可以令我感到舒服同放鬆 …

 

本年度以 “保育瀕危禾花雀” 為主題 , 希望提高大眾對禾花雀的認識.

這種雀鳥由於內地過度捕獵作野味食用, 現已經被列為 “極度瀕危” 的物種 !

主辦大會希望透過教育下一代, 提倡大眾要保護這快要絕種的禾花雀 !!

 

 

活動未開始之前, 我們走到去旁邊, 由婆婆打理的農田八卦 (打擾) 一番 !

呢度種的菜真係好鬼靚,  只係睇都已經好令人開心, 買埋番屋企煮黎食就仲正啦 ~

相中咁多隻菜, 大家又可以認得出幾多款呢 ?!

(呢個問題好白痴 ?! 我可以話俾大家聽, 好多年輕人都認唔到出黎 !!)

 

 

是日天氣良好, 而且頗為炎熱, 一點點冬天的感覺也没有 !

各大攤為正在努力準備中 … … 每一年這個收成節的活動都係咁豐富架喎 . . .

→ Read More: HK : 2018 塱原收成節 @ 上水塱原

HK : 一年收兩回, 又去收米 @ 上水塱原

 

平常我都係七月時份入黎塱原收米, 第一次十月入黎幫手, 原來 … 涼爽天氣 + 乾涸農田, 收米係可以舒服咁多架 !!

上午才剛去完米埔, 下畫立即入塱原玩下, 真係一日完成 2 個任務呀 !

秋收時份, 都真係幾好天氣, 而且處處有收成, 今回剛到埗就已經望到整片盛放的洛神花 ~

 

 

 

十月時份, 稻田漸變金黃 …

這個時間天色略暗, 尚未有陽光可照射到 …

每一回來到, 望著這片風景, 都有一種令人放鬆的感覺 !

 

 

 

 

 

 

收米的過程, 我也不是第一回在這裡介紹.

基本上就是收割, 打稻, 再來是曬草, 以及晾米 …

過程看上去似乎很簡單, 卻非常消耗體能, 我就說收一天米, 比去 Gym . . .

→ Read More: HK : 一年收兩回, 又去收米 @ 上水塱原

HK : 2017 步走大自然 @ 米埔

 

剛剛過去的 Weekend 天氣不錯, 秋意漸濃.

今回係 WWF 一年一度的活動 “步走大自然” ! 這個活動我 2 年前都有去過, 這是個可以去米埔逛逛的好機會.

HK : 2015 步走大自然 @ 米埔 + 大埔遊

步走大自然 : https://www.wwf.org.hk/your_support/join_our_events/walkfornature/

 

出發前先去上水的廣成冰室食早餐, 剛過了 8:00am 人流開始旺, 幸好朋友預早搵位.

一人來一份牛肉通粉 配 蛋治, 配飲品, 滿足 … …

 

回上水火車站乘坐接駁巴士, 直達米埔.

現場登記及領取步走護照, 我們便開始起步 ~

 

米埔自然保護區, 這片重要的濕地.

每一次, 都總係令人覺得好舒服的一個地方 ~

 

我不是一名觀鳥者, 不太懂去認雀, 而這個月份亦未到群鳥齊集的時間.

不過最近心情比較煩燥的我, 坐在那兒欣賞著濕地風景, 吹了一會涼風, 已經令我相對平靜了一點.

或許, 就是有種被困的感覺, 令我越來越不安份 …

一個人出門的念頭, 已經在我的腦海中閃現過無數次, 我想我要認真打算一下了.

 

 

我們無意中來到天然染料工作坊, 學學如何用蔬果來做顏料, 再用於繪畫之上 …

我自問没繪畫天份, 還是出去戶外曬曬太陽, 拍拍風景照好了

 

 

接著來到蘆葦池旁, . . .

→ Read More: HK : 2017 步走大自然 @ 米埔

HK : 又黎收米囉 ! @ 上水塱原

 

 

一年一度的收米季節又到了 !!

大家有冇睇過我去年的介紹呢 ?!

冇錯 ! 本星期我們再次出動到上水塱原, 齊齊去稻田上開工 ~

嘩 ! 今回天氣 180 度轉變喎 ! 去年我們太陽高掛, 熱得人人差點中暑, 今回嘛 … … 我們得到雷暴警告及間中的大雨囉 ~

不過即使天氣不怎麼樣, 塱原的風景依然很美, 很不一樣的 HK 吧 ?!

去年的遊記 : HK : 收米囉 ! @ 上水塱原

 

 

去年來時荷花正盛, 今回蓮蓬已採 ~

不過原來被取走了蓮子的蓮蓬, 還可以晒亁來用, 聞說用來煲水可以清熱的哦 ~

 

好啦 ! 整理好一身裝束, 我們下田開工啦 ~

今回有經驗, 唔想赤腳下田 (其實也没什麼, 就是較易弄捐腳板), . . .

→ Read More: HK : 又黎收米囉 ! @ 上水塱原

HK : 收米囉 ! @ 上水塱原

  

 

本期周末好節目, 跟朋友去塱原收米 !

我冇打錯, 你都冇睇錯, 我呢個星期真係跟左朋友入上水塱原的稻田開工.

好多人都會問, HK 仲有人種米架咩 ?!  答案係有架, 不過唔多人知, 亦唔易搵到咁囉 !

塱原呢一片米田, 其實係由好多塊農田組合而成, 而呢度的保育工作, 主要就由長春社負責統籌的 ~

長春社 – 保育塱原 : http://www.cahk.org.hk/show_works.php?type=sid&u=125

是日出發之前, 竟然下起大雨來, 同時卻又見到不常遇上的雙彩紅, 這天我們應該會很幸運的吧 !?

 

每一回來塱原, 總會覺得這裡的景色非常吸引 !

第一次來這裡的朋友, 都有點不相信 HK 也有這麼一大片平坦的農地.

事實上, 塱原本來就係一片淡水濕地, 生態價值很高, 想要睇雀島 / 生物 / 植物 … 等, 都可以在這裡找到.

是日藍天白雲, 水田正好如鏡一般, 將之反射了出來, HK 也有自己的天空之鏡哦 !!

要走到稻米田, 之前先經過了一片荷花田, 同樣的精彩 !

荷葉, 荷花, 蓮蓬 及 正在成熟中的蓮子 … 一次過見齊 !

 

嗰邊有荷花池, 呢邊就有粟米田, . . .

→ Read More: HK : 收米囉 ! @ 上水塱原

HK : WWF 基圍濕地時光之旅 @ 米埔

 

Happy Mother’s Day !

雖已渡過了數年没有媽媽的母親節, 我仍然會不時的想起或夢見她.

她留下來的蘭花, 經過工人姐姐的細心打理, 隔上一些日子便會再次開花, 我偷偷的將其中一朵剪下來, 帶上山去送給她.

*****

本星期總覺得很累, 整天都沒精打采的, 下班後都不想外出, 回家就是想睡, 我歸究是天氣的錯, 還是我又有點作病呢 ?!

星期六身體仍然很疲, 卻基於早前已經報名參加由 WWF 舉辦的 “基圍濕地時光之旅”, 那就如常出發吧 ~

要到米埔, 就要先到上水, 老實講我唔係太愛到上水, 實在有點怕怕那人迫人兼雜亂之環境, 今回一出閘就直衝往石湖墟, 我地要去廣成冰室醫肚 !

呢間冰室每逢星期六 / 日例必人山人海, 還好我地唔洗等好耐, 就可以入座了.

點了這個冰室的名菜 – 紅豆冰, 還有足料蛋治 及 牛肉通粉, 只可以講 : 我們吃得很滿足.

呢杯紅豆冰真係冇得輸架, 大半杯都係豆, 刨冰則置頂, 賣相一流之餘, 仲要好味, 紅豆大大粒又煮得夠綿 ~

廣成冰室 Openrice Review : http://www.openrice.com/zh/hongkong/restaurant/%E4%B8%8A%E6%B0%B4-%E5%BB%A3%E6%88%90%E5%86%B0%E5%AE%A4/1078

 

 

坐小巴直達米埔村, 我們下車慢慢行入去.

這個五月好鬼熱, 31 度下的天氣, 寧願俾蚊咬, 我都要除左件長袖外衫, 背心上陣 . . .

→ Read More: HK : WWF 基圍濕地時光之旅 @ 米埔

HK : 2016 塱原收成節

 

 

上年去了長春社舉辦的塱原收成節, 超級好玩 !

今年我們則去了這個活動做義工 ~

原來做義工, 係要晨咁早就出門, 朝早 7:30 去到粉嶺哦, 咁更唔好講比我地更早到達的員工們 ~

是日天氣不太好, 煙雨濛濛的, 很有春天的感覺 … … 今年的冬天跑到那裡去呢 ?!

去年收成節分享 :  http://traveling-fish.tixmart.org/2015/01/11/hk-harvest-2015/

 

到了塱原, 放眼一片綠, 不過暫時未有空閒去逛逛, 我們得先去幫忙一下, 活動就要開始了.

今年的 passport 似乎比去年又靚左啦 ~

 

 

今年攞設的攤位, 跟去年的差不多, 都有以下幾個 :

售賣本地產的塱原生態米 !

 

這片農田真係引死人, 我係受不了即摘即買再即煮的這個誘惑 !

小小一塊地, 可以找到魚翅瓜 (可惜今年收成麻麻), 生菜, 西洋菜 以及 紅皮蘿蔔 !

 

個邊先摘落黎, 呢邊已經賣緊 !

16 蚊斤可以買到有質素本地菜, 都真係幾抵丫 ~~

(相四中的是我的戰利品, 回家又有好野食)

 

 

活動要開始了 !!

看著會場內一家大小不懼下雨天, 人人在泥地上跑來跑去, 小朋友們表現出活力十足, 這才是小孩應有的生活 !

只要大家努力一番, 玩多幾個攤位, 儲好印仔, . . .

→ Read More: HK : 2016 塱原收成節

HK : 2015 塱原收成節

 

本星期, 我們帶同契女出走塱原去 !

事因, 朋友幫忙報了由長春社及香港觀鳥會合辦的 2015 塱原收成節呀 !

活動詳程, 可看一下長春社的介紹 : http://www.conservancy.org.hk/harvest2015.htm

當日朝早, 我們於粉嶺火車站集合, 早餐嘛 … … 就來個很久没吃到的豬腸粉配燒賣及辣魚旦, 正呀 !

 

 

塱原, 就在上水河上鄉.

這片濕地, 還真算農田處處, 時值冬天, 遍地都是那水種的西洋菜, 一片綠油油, 最重要真係好好味 !

 

登記過後, 每位參加者都會收到一份 Passport, 亦是是日活動的通行證.

Passport 內有地圖, 時間表, 還有儲印仔表.

每玩一個活動, 都要出示 Passport, 而且可以吸印仔, 儲夠五個可以換小禮物架 ~

 

是日攤檔售賣的一些小禮品 : 年曆, 立體 Postcard 及 自家生產的米 (有糙米及油粘米) !

 

農田遊樂場的一部份 : 木板搖搖板 及 稻草 playground !

 

 

小部份稻田 …

 

我們報了土窯班, 雖然要另外加點錢, 但有好味的蔬菜吃, 值得 !

我們的食材就在相中 … … 期待 . . .

→ Read More: HK : 2015 塱原收成節

HK : 半天自駕遊 – 大帽山風景 vs 城門水塘猴子

 

星期六那天, 原本並没有計劃做些什麼, 就是想睡個夠準備盲俠行 !

剛好朋友也閒著, 那就即興來趟自駕遊吧 ~

我們先到上水 榮昌茶座 吃午飯, 今回試了 焗豬扒飯 及 乾炒豬扒烏冬, 都幾好味喎 !!

榮昌茶座, 以往介紹過了, 就不多說, 請看以下舊文 :

http://traveling-fish.tixmart.org/2012/04/05/hk-foods/

http://traveling-fish.tixmart.org/2012/10/22/hk-fanling-sheung-shui/

 

飯後, 暫時想不到該去那裡 hea, 剛好經過了八鄉, 那轉道上大帽山也是頗容易的 !

原來, 我從未駕車來這裡的.

我所想起的印象, 已是小時候爸爸駕車載我們上來遊玩的情景. 今天的我, 似乎重覆著小時的經歷, 不過如今是我開著車, 帶朋友 / 契女四處遊玩, 而且是無限國界地域的 ~

大帽山上的風景很好, 即使這天未算得上天朗氣清, 還勉強的可以看到山下的風景 ~

期後下回藍天白雲之時, 重臨這地 !

 

遊走完大帽山, 心還有點野, 那再轉道城門水塘, 探望一下猴子們 … …

如果細心一點去留意猴子們的動作, 你會發現他們很人性化的 !

尤其那張 “貪靚小猴愛照鏡” ~

 

草地上, 有隻孤獨的成年猴子, 面上有著數道傷痕, 似乎剛剛輸了一仗, 表情帶點落寞 … …

 

這回沿路遇到很多猴子 BB, 隻隻也是年紀很少的, 很怕人, . . .

→ Read More: HK : 半天自駕遊 – 大帽山風景 vs 城門水塘猴子