今年身痕又玩毅行, 咁就早一點開始操山吧 !
第一課, 選了有點攞命的麥徑第三 & 第四段, 由北潭坳先上雞公, 落左水浪窩後再上馬鞍山, 最後經昂平, 選擇落番馬鞍山離開, 全程 21 公里左右 !
上雞公的路, 總是會令人有點沮喪, 是日起步無風, 單單 1 公里已經得到爆汗效果 ~
開步時無風, 在山腰突然下了 15 分鐘大雨, 全身濕透, 後段卻又被太陽曬乾, 再變到係曬溶 … …
上緊雞公先黎曬到咁, 真係熱到傻 !
落到去水浪窩, 立即補, 即場就襟盒檸檬茶黎補糖呀 ! 呢度而家多左部水機, 咁補水就方便好多啦 ~
水浪窩再起步, 向著馬鞍山進發 !
上到黎山脊, 梗係要影下 profile pic 架啦 !
呢段前往昂平的路, 每次行都係覺得好靚 !
最後, 決定唔落獅子亭, 改道前往馬鞍山收工 ~
