早 2 日係 Supermarket 買了包紅豆, 係呀, 而家外國的 Supermarket 都有紅豆買架, 不過佢地的用途跟我地係有點唔同, 多數係 salad 同炆野之用.
我平時係唐人店買的, 質素麻麻, 成日煲紅豆沙都煲唔爛, 起唔到沙, 咪諗住試下用外國入口的會唔會好一點, 點知 ….. 似乎都係冇乜幫助.
尋日整左椰汁紅豆糕, 用了個簡易方法, 發覺糕底本身都唔錯, 值得試下, 就放上黎 share 下啦 :
材料 : 椰汁 1 罐 (我又係用外國版, 仲要係 low fat version !), semi skimmed milk 半罐, gelatine 1 片(即魚膠粉), 紅豆 1 杯, 糖 2 – 3 湯匙 (自己試味).
將紅豆用水煮, 我先煲左 1 hr, 再放入真空煲 keep 左足足 overnight, 但結果紅豆還是煮得不夠"淋", 不知是豆唔好, 還是煮得不夠時間, 為了破解這個迷, 我今晚將會用餘下的紅豆, 煲個紅豆沙作為試驗 !
先將椰汁倒入煲中, 再混入semi-skimmed milk 及糖, 用中火煮熱至糖完全溶掉, 另外將已開了水的魚膠粉倒入, mixed well, 最後混入紅豆.
將紅豆 mixture 倒入器皿中, 待稍涼後, 就可以放入雪櫃, 大約 3 – 4 個小時就應該可以了.
我覺得如果紅豆真係煮唔爛, 咁要快捷方便的話, 應該可以用日本的罐頭紅豆, 等我下次再試啦 ~
